राज्य शासनाच्या सर्वसमावेशक विकास धोरणाला उद्योगांच्या सामाजिक उत्तरदायित्वाची (CSR) प्रभावी साथ लाभत असल्याचे समाधान मुख्यमंत्री देवेंद्र फडणवीस यांनी व्यक्त केले. शासन आणि उद्योग क्षेत्राच्या भागीदारीतून ग्रामीण भागाचा सर्वांगीण विकास साधला जात असून, यामुळे 'विकसित महाराष्ट्र २०४७' या राज्याच्या महत्त्वाकांक्षी ध्येयाला बळ मिळेल, असा विश्वास त्यांनी व्यक्त केला. मोंडेलेज इंडियाच्या 'शुभ आरंभ' उपक्रमामुळे पुणे जिल्ह्यातील मावळ व खेड तालुक्यांमध्ये आरोग्य, शिक्षण, जलसंधारण आणि क्रीडा क्षेत्रात उल्लेखनीय बदल घडले आहेत.